context da la pagina
Protecziun da datas
L'Instituziun svizra per ils dretgs umans (numnada "ISDU" en il text suandant) gestiunescha la pagina-web "https://www.isdh.ch/rm" (numnada "pagina-web ISDU" en il text suandant) ed elavura datas da persunas en il rom da sia activitad (p.ex. inventarisaziun davart la situaziun dals dretgs umans en Svizra, infurmaziun davart ils dretgs umans en Svizra, documentaziun davart la realisaziun dals dretgs umans en Svizra, preschentaziun da la pagina-web ISDU, d'ina plattafurma d'infurmaziun, newsletter, cooperaziuns).
La confidenzialitad e la discreziun èn centralas per la ISDU, perquai prenda la ISDU serius il tema da la protecziun da las datas e fa attenziun ad ina segirezza da las datas correspundenta. Natiralmain resguarda la ISDU er las disposiziuns legalas da la lescha federala davart la protecziun da datas ("LPD"), da l'ordinaziun tar la lescha federala davart la protecziun da datas ("OLPD"), da la lescha da telecommunicaziun ("LTC") sco er d'ulteriuras disposiziuns dal dretg davart la protecziun da datas che pon eventualmain vegnir applitgadas. Uschenavant che la ISDU è activa tenor il dretg privat, valan las disposiziuns per l'elavuraziun da datas tras persunas privatas.
La ISDU è responsabla per l’elavuraziun da datas da persunas. Tar dumondas pertutgant la protecziun da las datas pudais Vus cuntanscher la ISDU per posta u per e-mail cun las suandantas indicaziuns da contact:
Posta:
Instituziun Svizra per ils dretgs umans ISDU
Avenue Beauregard 1
1700 Fribourg
E-mail:
A) Davart l’elavuraziun da datas da persunas tar ina consultaziun da la pagina-web ISDU
1. Tge datas rimna la ISDU da Vus, sche Vus consultais la pagina-web ISDU?
Per As pussibilitar la colliaziun cun la pagina-web ISDU e per garantir in'utilisaziun segira (spezialmain pertutgant la segirezza dal sistem e la stabilitad dal sistem), arcunan ils servers utilisads da la ISDU temporarmain mintga access ad ina datoteca da protocol tar ina consultaziun da la pagina-web ISDU. Sco da princip tar mintga colliaziun cun in server-web vegnan las suandantas datas tecnicas registradas da maniera automatisada senza Voss agir, ed arcunadas fin ch'ellas vegnan stizzadas automaticamain:
Adressa IP dal calculader che dumonda incl. geolocalisaziun da Voss access;
Num dal possessur / da la possessura dal sectur d’adressa IP (per regla Voss provider d’access a l’internet);
Data ed ura da l’access;
Pagina web da la quala l’access è succedì (uschenumnà “Referrer URL”) ev. cun il pled tschertgà utilisà;
Num ed URL da la datoteca clamada;
Code da status (p.ex. messadi d’errur);
Sistem operativ da Voss computer;
Browser che Vus utilisais (tip, versiun e lingua);
Protocol da transmissiun che Vus utilisais (p.ex. HTTP/1.1).
Per evitar access nunautorisads po l’adressa IP dal calculader che dumonda, sch’ella n’è anc betg vegnia stizzada automaticamain, vegnir evaluada ensemen cun ulteriuras datas tar attatgas sin l’infrastructura da la rait u tar autras utilisaziuns nunlubidas da la pagina-web ISDU ed ev. vegnir utilisada encunter las utilisadras ed ils utilisaders correspundents en il rom da proceduras penalas e civilas en quest connex. En quest cas vegnan las datas per las proceduras penalas u civilas correspundentas arcunadas uschè ditg ch’igl è necessari per la procedura penala u civila.
2. Utilisescha la ISDU cookies e tracking-tools?
Per gestiunar sia pagina-web utilisescha la ISDU cookies e tecnologias cumparegliablas (p.ex. pixels spiuns) per garantir la funcziunalitad tecnica da la pagina-web ISDU, per chapir co che visitader:as utiliseschan la pagina-web SMRI e per arcunar las preselecziuns ch'in'utilisader:a ha fatg en ses browser.
Tar in cookie sa tracti da pitschnas datotecas da text che vegnan arcunadas da Voss browser sin Voss apparat final tar ina consultaziun da la pagina-web ISDU. Sche Vus consultais pli tard puspè la pagina-web ISDU, sa la ISDU puspè eleger quests cookies. La durada d’arcunaziun da cookies è differenta.
Vus avais adina la pussaivladad da configurar en Voss browser u sur la bandiera da cookies sin la pagina-web ISDU, tge cookies che Voss browser duess acceptar. Quai po dentant avair per consequenza che la pagina-web ISDU na funcziuna betg pli endretg sin Voss apparat final. Plinavant savais Vus adina stizzar da maniera autonoma cookies sin Voss apparat final.
La ISDU utilisescha oravant tut ils suandants cookies e tracking-tools:
Cookies necessaris per motivs tecnics; e
Cookies da performanza ed analisa e tecnologias cumparegliablas (p.ex. Matomo).
La ISDU utilisescha cookies e tracking-tools, sch’els èn necessaris per la funcziun da la pagina-web ISDU (p.ex. per l’installaziun dal sistem), per metter a disposiziun tschertas funcziuns e per meglierar la pagina-web ISU cun analisas.
Per l’evaluaziun statistica utilisescha la ISDU Matomo sin la pagina-web ISDU. Matomo è in open-source-tool per l’analisa da web cun cookies. Cun Matomo vuless la ISDU meglierar vinavant la pagina-web ISDU e l’adattar anc dapli als basegns dad utilisaders:as.
Concretamain vegnan las infurmaziuns che resultan dals cookies davart l'utilisaziun da la pagina-web ISDU transferidas al server da la ISDU ed arcunadas là, per ch'il cumportament d'utilisaziun possia vegnir evaluà. Vossa adressa dad IP vegn immediat anonimisada, uschia restais vus anonim:a sco utilisader:ra. Las infurmaziuns producidas dals cookies davart Vossa utilisaziun da la pagina-web ISDU na vegnan betg dadas vinavant a terzas persunas.
3. Integrescha la ISDU links da terzas persunas?
La ISDU ha integrà en differents lieus da sia pagina-web ISDU links tar paginas d'internet (p.ex. ENNHRI, humanrights.ch) u tar applicaziuns (p.ex. e-mail Outlook) da terzas partidas. Sche Vus tschernis tals links sin la pagina-web ISDU, poi esser che tschertas datas vegnan dadas vinavant a las gestiunarias ed als gestiunaris da la respectiva pagina d'internet resp. applicaziun senza savair da la ISDU . La ISDU n'ha nagina influenza sin talas elavuraziuns da datas. S'infurmai per plaschair il gestiunari respectiv da talas paginas d'internet e/u applicaziuns davart lur elavuraziun da las datas.
4. Utilisescha la ISDU medias socialas?
La ISDU è preschenta sin medias socialas e po duvrar plug-ins da medias socialas sco LinkedIn. La ISDU n'ha nagina influenza sin las activitads d'elavuraziun dals purschiders da questas medias socialas. Legiai perquai p.pl. las decleraziuns davart la protecziun da las datas dals purschiders respectivs, avant che consultar ina tala plattafurma.
5. Integrescha la ISDU videos en la pagina-web ISDU cun YouTube u Vimeo?
La ISDU utilisescha servetschs da terzas persunas spezialisadas per pussibilitar da tadlar e guardar cuntegns dad audio e da video. La ISDU utilisescha oravant tut:
Vimeo: Purschider da la plattafurma da video è Vimeo Inc. (USA).
YouTube: La plattafurma da video è part da la gruppa d’interpresas Alphabet Inc. (USA).
La ISDU n’ha nagina influenza sin las activitads d’elavuraziun da questas plattafurmas da video: legiai perquai per plaschair las decleraziuns davart la protecziun da las datas da las plattafurmas correspundentas avant che prender access ad in tal video.
B) Davart l’elavuraziun da datas da persunas tar la collavuraziun cun la ISDU
La ISDU elavura datas da persunas mo per ademplir sias incumbensas ch'èn fixadas en la Lescha federala davart mesiras per promover la pasch civila e per rinforzar ils dretgs umans u sche la ISDU daventa activa tenor il dretg privat. La ISDU survegn datas da persunas oravant tut, sche:
vus contactais la ISDU;
vus incumbensais terzas persunas da transferir infurmaziuns a la ISDU;
vus faschais in contract cun la ISDU, u sche
vus collavurais en in’autra maniera cun la ISDU.
Ultra da las datas persunalas ch'èn vegnidas tramessas a la ISDU en il rom da la collavuraziun menziunada survart, registrescha la ISDU era datas (i) da funtaunas accessiblas publicamain (p.ex. registers publics, pressa, bancas da datas en l'internet), (ii) d'autoritads e da dretgiras u (iii) da terzas persunas che collavuran cun la ISDU. Ils tips da datas da persunas menziunads elavura la ISDU per pudair realisar sias activitads ch'èn previsas da la lescha e ch'èn necessarias tenor il dretg privat.
Resguardai per plaschair che Vus essas responsabel:a per las datas da persunas che Vus tramettais a la ISDU (p.ex. datas da persunas da commember:as da Vossa uniun u da collavuratur:as da Vossa interpresa) e che Vus stuais ademplir sezs Voss duairs d'infurmaziun en quest connex.
C) Newsletter
Sin la pagina-web ISDU avais Vus la pussaivladad da s'annunziar per la newsletter da la ISDU. Cun la newsletter survegnis Vus infurmaziuns davart contribuziuns novas, acziuns u autras activitads da la ISDU. La ISDU dovra la newsletter unicamain per trametter a Vus las infurmaziuns abunadas per e-mail. Per quest intent dovra la ISDU las suandantas indicaziuns:
Num;
Preferenza da lingua;
Adressa dad e-mail.
Sin basa da Voss consentiment explicit As trametta la ISDU regularmain la newsletter da la ISDU. Vus pudais revocar da tut temp Voss consentiment, per quest intent chattais Vus in link correspundent en mintga newsletter.
Per metter a disposiziun la newsletter-ISDU utilisescha la ISDU in:a prestader:a da servetschs extern:a ch'è engaschà:da per elavurar incumbensas per la ISDU .
D) Emailings
La ISDU As po plinavant trametter differents e-mails, sche Vus essas in:a partenari:a d'interess, in:a commember:a, in'organisaziun partenaria u in auter partenari potenzial. Quai è oravant tut il cas, sche la ISDU ha gia gì contact cun Vus avant curt temp, per in auter motiv. Per quest intent elavura SMRI las suandantas indicaziuns:
Num;
Preferenza da lingua;
Adressa dad e-mail.
La ISDU As trametta quests e-mails mo, uschenavant che la ISDU (i) è activa tenor il dretg privat ed ha in interess giustifitgà u perquai che la ISDU (ii) ha contact cun Vus sin fundament da Voss consentiment u da la lescha. Sche la ISDU As trametta e-mails sin basa da Voss consentiment, pudais Vus revocar da tut temp Voss consentiment.
Per metter a disposiziun quests e-mails utilisescha la ISDU in:a prestader:a da servetschs extern:a ch'è engaschà:da per elavurar incumbensas per la ISDU .
E) Commembranza
La ISDU sa legra che Vus vulais daventar commember:ra da la ISDU resp. che Vus essas gia commember:ra. Per che la ISDU possia mantegnair uschè simpel sco pussaivel il process da dumondas per ina commembranza resp. l'administraziun da commember:as, elavura la ISDU oravant tut las suandantas infurmaziuns davart Vus:
Titulaziun;
Num;
Prenum;
Via;
Numer postal;
Lieu;
Pajais;
Telefon;
Adressa dad e-mail;
Sectur d’acitivtad
Preferenza da lingua.
La ISDU dovra questas datas sco er ulteriuras datas che Vus avais inditgà voluntarmain (p.ex. data da naschientscha, link per il profil da linkedIn) sulettamain per examinar la dumonda da commembranza e per l'administraziun da commember:as che stat en connex cun quai (intermediaziun d'infurmaziuns, analisa da gruppas en mira). En cas d'ina recepziun cun success sco commember:ra salva la ISDU questas infurmaziuns en il sistem d'infurmaziun da commember:ras per la durada da la commembranza. Sche Vossa proposta na vegn deplorablamain betg giuditgada da maniera positiva, salva la ISDU Vossas datas anc per ina perioda da 6 mais e las stizza suenter, sche la ISDU n'ha betg cunvegnì insatge auter cun Vus, u sch'ella n'è betg obligada da las tegnair en salv pli ditg per motivs legals.
La publicaziun dal num d’in:a commember:ra vegn mo fatga suenter avair procurà il consentiment correspundent.
F) Candidaturas
La ISDU sa legra che Vus As interessais per ina plazza tar la ISDU e che Vus As annunziais u essas annunziad:as. Per che la ISDU possia realisar il process d'annunzia uschè simpel sco pussaivel, elavura la ISDU oravant tut las suandantas infurmaziuns davart Vus:
Titulaziun;
Num;
Prenum;
Via;
Numer postal;
Lieu;
Pajais;
Telefon;
Adressa dad e-mail;
Curs da vita (CV);
Diploms / attestats;
Cumpetenzas linguisticas;
Brev da motivaziun.
La ISDU dovra questas datas sco er ulteriuras datas che Vus avais inditgà voluntarmain (p.ex. data da naschientscha, link al profil linkedIn) sulettamain per controllar l'annunzia sco er il process d'annunzia che stat en connex cun quella. En cas d'annunzias cun success salva il SMRI questas infurmaziuns en il sistem d'infurmaziun dal persunal. En cas ch'i na dat displaschaivlamain betg ina relaziun da lavur, salva la ISDU Vossas datas d'annunzia anc per ina durada da 3 fin 6 mais e las stizza suenter, sche la ISDU n'ha betg cunvegnì insatge auter cun Vus u sch'ella n’è betg obligada da tegnair en salv pli ditg las datas tenor la lescha.
G) Davart la transmissiun da datas da persunas a terzas persunas
La ISDU dat vinavant Vossas datas persunalas a terzas persunas mo, sche Vus avais dà il consentiment expressiv, sch'igl exista in'obligaziun legala da far quai u sche quai è necessari per far valair dretgs, en spezial per far valair pretensiuns che resultan d'ina relaziun contractuala.
Ultra da quai dat la ISDU vinavant Vossas datas persunalas a terzas persunas, sche quai è necessari en il rom da l'utilisaziun da la pagina-web ISDU e da la realisaziun d’in contract. I sa tracta da las suandantas categorias da retschaviders pussaivels: purschiders da software e da plattafurmas (p.ex. CRM e Microsoft 365), purschiders da servetschs externs consultads, organisaziuns partenarias, autoritads e dretgiras.
H) Davart la transmissiun da datas da persunas a l’exteriur
La ISDU elavura datas da persunas en emprima lingia en Svizra. I po dentant esser che la ISDU transferescha Vossas datas da persunas a purschider:as da servetschs incumbensad:as a l'exteriur, cun l'intent d'utilisar singuls servetschs da software (p.ex. a purschiders da clouds, a conferenzas da video, a newsletters u a servetschs da tracking) e per ademplir las elavuraziuns da datas che vegnan descrittas en questa decleraziun da protecziun da las datas. Quest:as purschider:ras da prestaziuns e terzas persunas èn per regla obligad:as sez:zas a la protecziun da datas en la medema dimensiun sco la ISDU sezza. Sch'il nivel da protecziun da datas en in pajais na correspunda betg al nivel svizzer, vegn la ISDU a transferir Vossas datas da persunas a l'exteriur mo sin fundament d'in consentiment en il cas singul, d'ina decisiun d'adequatezza, da clausulas da contracts da standard u sche quai è necessari per ademplir in contract u per far valair pretensiuns giuridicas.
I) Davart la durada da l’arcunaziun da datas da persunas
La ISDU arcuna Vossas datas da persunas da princip mo uschè ditg sco necessari per ademplir sias activitads u sch'igl exista in'obligaziun da las conservar u documentar, ordinada da la lescha u da las autoritads.
Sche la ISDU agescha tenor dretg privat, po ella arcunar las datas persunalas er uschè ditg ch'ella ha in interess predominant per quai. Quai è per exempel il cas, sche la ISDU arcuna Vossas datas da contact en sia banca da datas da contacts per collavurar cun Vus puspè en avegnir cun Vus u per restar en contact cun Vus per auters motivs.
La ISDU po ultra da quai porscher a l'archiv federal tut las datas persunalas ch'ella na dovra betg pli e ch' ella ha elavurà en il rom da sia activitad da dretg public. Sche las datas da persunas da l'archiv federal vegnan decleradas sco betg degnas da vegnir archivadas, stizza la ISDU questas datas da persunas, nun che quellas vegnan anonimisadas u ston vegnir conservadas per motivs da cumprova u da segirezza u per mantegnair ils interess degns da vegnir protegids da la persuna pertutgada.
J) Voss dretg ad infurmaziun, correctura, stizzada e limitaziun da l'elavuraziun da datas da persunas sco er a la transferibilitad da datas
Sin dumonda avais Vus il dretg da survegnir infurmaziuns davart Vossas datas persunalas ch'èn vegnidas elavuradas da la ISDU. Ultra da quai avais Vus il dretg da curreger datas persunalas faussas e da stizzar Vossas datas persunalas, sch'i na dat nagina obligaziun da las conservar u documentar u autras disposiziuns legalas che impedeschan quai. Plinavant avais Vus il dretg da puspè pretender enavos da la ISDU las datas da persuna che Vus avais tramess a la ISDU. Tenor Vossa instrucziun transmetta la ISDU Vossas datas da persuna era ad ina terza persuna da Vossa tscherna. Vus avais era il dretg da survegnir las datas da persuna transmessas en furma digitala en in format da datoteca usità. Plinavant pudais Vus far recurs tar la ISDU cunter la communicaziun da datas da persunas.
Vus pudais cuntanscher la ISDU per ils intents surmenziunads sut las adressas e las adressas dad e-mail numnadas. Resguardai en quest connex ch'i valan premissas ed excepziuns legalas per quests dretgs. Sch'igl è admess u necessari giuridicamain, po la ISDU refusar dumondas per far diever da quests dretgs. La ISDU sto per exempel tegnair en salv las datas da persunas, malgrà la dumonda da stizzar u da limitar l'elavuraziun per motivs giuridics u las elavurar vinavant en autra moda.
K) Davart la segirezza da las datas
Il SMRI prenda mesiras da segirezza tecnicas ed organisatoricas adattadas per proteger Vossas datas da persunas arcunadas tar la ISDU cunter la manipulaziun, cunter ina perdita parziala u totala e cunter in access nunautorisà da terzas persunas. Las mesiras da segirezza che vegnan prendidas da la ISDU vegnan examinadas e meglieradas permanentamain confurm al svilup tecnologic.
La ISDU renda attent ch'ella po – en il rom da sia activitad – recurrer a furnitur:as da servetschs dad IT extern:as e providers da clouds. La ISDU utilisescha lura tscherts servetschs dad IT e meds da communicaziun che pon esser colliads cun ristgas da la segirezza da las datas (p.ex. e-mail, conferenzas da video). Sche Vus duvrais tals meds da communicaziun envers la ISDU, parta la ISDU dal fatg che Vus acceptais las ristgas da segirezza da datas ch'èn colliadas cun quai. En cas che Vus giavischais mesiras da segirezza spezialas, As supplitgescha la ISDU da communitgar quai.
L) Davart la pussaivladad da midadas da questa decleraziun davart la protecziun da las datas
En questa decleraziun davart la protecziun da las datas sa tracti da l'infurmaziun davart il gener, la dimensiun e l'intent d'utilisar datas da persunas tras la ISDU. La ISDU resalva il dretg da midar unilateralmain il cuntegn da la decleraziun davart la protecziun da las datas menziunada qua survart, e quai da tut temp e senza preavis. Questa decleraziun da protecziun da datas è vegnida midada l'ultima giada [ils 6 august 2024 da fanadur].